મારી ગઝલમાં રૂપ જે છલકાય છે, વાંચીને હર છોકરી મલકાય છે, કોણ જાણે છે કે કોને કાજ આ ,પ્રેમ ભીના શેર આલેખાય છે? પ્રેમમાં મારા જ, જે ચાલ્યા નહિ, શેર એ પત્રો મહીં ટન્કાય છે. જેમાં દિલ માંગ્યું હતું ને ના મળ્યું, દાદ એ ગઝલો ઉપર દેવાય છે.. એને કાજે તો અજાણી રહી ગઈ, આ ગઝલ બીજે બધે વખણાય છે.
શાયરી સાધન બને, ના સાધના, એમના દીવાન બસ વેચાય છે.
એક ઝાકળ ઝલમલે છે પાન પર, કહી રહે છે, કઈ રીતે જીવાય છે.
No comments:
Post a Comment