"તુષાર શુક્લ"

મુને ગમતી શિયાળાની મોસમ , જુવાન ,
એના દિવસો ટૂંકા ને રાત લાંબી,
ચંદનના ઢોલીયા ઢળાવ્યા હો રાજ,
મને નાં જોઈએ કડલા કે કાંબી.
ઉનાળુ એકલતા જીરવી જવાય ,એના દિવસો લાંબા ને રાત ટૂંકી,
ચોમાસે ઓઢણીનાં મોરલાઓ બોલે,
અલી, નીરખીલે વાટ ઝુકી ઝુકી, કમખાની કસ્સ હવે કેમ કરી બાંધુ ?
મારી આંગળીઓ જાય નહિ આંબી.
. બળબળતા વાયરા ને ઉના ઉજાગરાને,
ઊંબર પર બેસી વળાવ્યા.
મારા નીશ્વાસને મેં તારા વિશ્વાસ તણી ,
આંગળીએ હેતથી ભળાવ્યા . હવે મોલે પધારો તો હું જાણું, હો રાજ,
રાત મેડીમાં ઊતરે ગુલાબી ..