"તુષાર શુક્લ"

સુખનું સરનામું :
શું છે સુખ ને શું છે દુખ,
છે સદીઓ જુના સવાલ.
મન માને છે સાવ જ જુદું, દિલના જુદા જવાબ.
મન ને ગમતું મળે નહિ ત્યારે મનને થાતું દુખ,
મનગમતું જ્યાં મળી જાય ત્યાં મનને લાગે સુખ.
સૌના સુખથી સુખી થાય ને સૌના દુઃખમાં દુખી,
દુખની સામે મુખ રાખે છે
દિલનું સૂરજમુખી.
સુખને દુઃખના રૂપ જુદા છે , જુદા જુદા રૂઆબ.
લાભ અને શુભની વચ્ચેનો
ફેર મને સમજાયો.
મનડા ને દલડાની વચ્ચે
ભેદ મને પરખાયો.
મનડું " મારું મારું "કરતુ,
દિલડું "તારું તારું, "
સુખને દુઃખનો અર્થ ઉકલતા લાગે સારું સારું.
જીવન લાગે જીવવા જેવું, જલસા કરો જનાબ..
સુખ ને દુખ કઇ જીવન જળના બે કાંઠે નાં રહેતા. ,
જીવનની સાથે સંગાથે
એ પણ આવે વહેતા .
પાછળ પાછળ સુખ આવે છે, દુખ છે આગે આગે,
મળ્યું હોય તે માણી જાણવું,
જે આવ્યું હોય ભાગે,.
દુઃખના કાંટા વચ્ચે ખીલે
સુગંધ ભીનું ગુલાબ..