"તુષાર શુક્લ"

તને સાંભરે એ આપણું એકાંત ? મને વીસરે ના આપણું એકાંત. વાસંતી લહેરખીએ આવીને હળવેથી
લહેરાવ્યું આપણું એકાંત, લોહીઝાણ રંગોએ કોરા ઉમંગોને પહેરાવ્યું આપણું એકાંત.
તને સાંભરે એ આપણું એકાંત ? મને વીસરે ના આપણું એકાંત. હાથોમાં હાથ લઇ, ચાલ્યા સંગાથ,
એવા મારગનો વણસુણ્યો સાદ,
એવા તે કેવા આ પગલા મંડાયા કે સંગાથે ચાલ્યાનું બાદ ? આંખોમાં આંસુના તોરણ ને અવસરમાં ઝળહળતું આપણું એકાંત.
સ્મરણોની શૂળ બની હૈયાને વીંધતું , ટળવળતું આપણું એકાંત.
તને સાંભરે એ આપણું એકાંત ? મને વીસરે ના આપણું એકાંત.