સંતો, ખોટી બધી નિશાળો.. બાદબાકી જો દુખની કરીએ તો નાં મળતો તાળો.
.જીવન સુખ દુઃખનો સરવાળો ગુણાકારથી
વધે ન સુખ, દુખ ઘટે ન ભાગાકારે.
જીવન કેરો જવાબ મળતો, જીવન જીવો ત્યારે.
સમીકરણમાં સમય વહે ત્યારે શેષ રહે છે સમજણ.
સુખ ને દુખની સાથે આપણા કર્મો કેરું સગપણ..
શ્વાસની ગઠરી ખુલી ગઈ છે, સમય રહે સંભાળો...
સુખ સમજીને દસ્તક દ્યો
ત્યાં દુખ દરવાજો ખોલે..
દુખ સમજીને ચાલો ત્યાં સુખ આવો આવો બોલે..
સુખ ને દુખ બંનેનું આપણી સમજણ છે સરનામું
, નજર ફેરવો જેનાથી તમે
એ જ આવતું સામું..
કોઈનું સુખ એ કોઈનું દુખ છે કેળવી નજર, નિહાળો..
જશે આવશે સમય થશે ત્યાં, ભરતી ઓટ ઉછાળો..
No comments:
Post a Comment