"તુષાર શુક્લ"

કાગળ કાંઠે શબ્દો ઉભા,
ક્યારે આવે વારો ?
કલમના કાને કહી રહ્યા છે,
" હું તારો.. હું તારો "
હૈયું નાં દેતું હોંકારો..
સાંભળે હું હું નો હોંકારો.
મનને વાતો કેહવી ગમતી,
હૈયું રહેતું ચૂપ .
હૈયું બોલે જ્યારે ત્યારે
શબ્દો બને અરૂપ.
હૈયાની છે વાત જ જૂદી,
જૂદો એનો ધારો..
એને નાં ગમતા હુંકારો.
મનને ગમતું કહેવું ને
હૈયાને ગમતું સહેવું,
સાગર ના છલકાય કદી, સરિતાનો સ્વભાવ વહેવું.
જુદી જુદી રીત પ્રીતની,
સમજો અને સ્વીકારો .
હૈયું નાં ચાહે હુંકારો.
મનને મારો, મનને વારો,
હૈયા સામે હારો.
મન માને, હૈયું નાં માને, લાગણી સામે વિચારો.
પ્રેમ છલકાતા સંવેદન છે હૈયાના શણગારો .
.હૈયું નાં ચાહે હુંકારો..
એથી દેતું નાં હોંકારો.