અમે વેઠ્યા રે ઉનાળા ગોરી, આકરા,
તમે ઘેરાયા નહિ થઈને આકાશ..
રણની રેતી છાતીમાં ઊડતી , મારી નસમાં ગાતું રે કોઈ માંડ.. મારે તરસ્યું આ કોને ભળાવવી ?
સરનામું ગોતી ગોતી થાકિયા, મારા કોરી રે કંકોતરી શા શ્વાસ, એવા તે કેવા અક્ષર ઉકલ્યા, મારી પૂનમની થઇ ગઈ અમાસ..?
મારે વ્હાલપ આ કોને ભળાવવી ?
આંગણામાં આભ આવી ઉતાર્યું, તોયે ખોલી ન ખુલે તારી પાંખ, જળ રે હાલ્યા ગોરી જાતરા,
કોરી મેલીને ટળવળતી આંખ..
મારે રણમાં ક્યા વીરડી ગળાવવી ..?
No comments:
Post a Comment