"તુષાર શુક્લ"

રંગપર્વની શુભકામના...:
હું છું તારો રંગ તું રંગોળી મારી રાણી
હૈયામાં હેત દીધા ઘોળી મારી રાણી.
તું છે મારો રંગ હું રંગોળી તારી રાણી,
મસ્તીમાં જીંદગી ઝબોળી મેં તો જાણી.
આંખમાં છલકે આસમાની ને કાજળ આંજે શ્યામ,
લાજની લાલી લાલ લાલ
ને હૈયે ગુલાબી નામ.
મેઘધનુશી રંગમાં દીધી રોળી મારી રાણી.
સોનેરી છે સપના
એની રૂપેરી છે કોર,
મોરપિચ્છના રંગે સોહે
મનડા કેરો મોર.
મસ્તીની રંગ્પ્યાલી ઢોળી તોય માણી. .
લાગણીનો લીલોછમ્મ રંગ આજ લ્હેરે.
પીઠીનો પીળો રંગ,
રૂંવાડે મ્હેકે.
શરમથી થઇ ગઈ સાજન,
હું ય પાણી પાણી.. ..