"તુષાર શુક્લ"

આ તું રે ખીલી કે ખીલી રાતરાણી?
આમ ભલે રહે સદા અળગી અજાણી,
આજ સપનામાં રૂંવે રૂંવે માણી. લીસા સુંવાળા કોઈ સરવરમાં તરતી હો
એમ સરે હળવે હથેળીઓ, ધોધમાર ધસમસતી મસ્તીના વેગ થકી
ફાટફાટ નસનસની વેલીઓ, કેવડાની ગંધ થકી મોહિત ભુજંગ માણે અંગની સુગંધ સરવાણી. લંબાવી હાથ હજી અડકું જરાક ત્યાં જ ઝૂકી આવી'તી આખી ડાળી.
નાજૂક નમણાઈ તારી, વેગ ભરી વહી આવી,
પલભરમાં અંતર ઓગાળી, બોલ્યા વિનાય કેટ કેટલું એ કહી જાતી,
મૂંગી આ સ્પર્શ તણી વાણી.